जन्मदिनांक २, ११, २०, २९ असणाऱ्या मुलांक २ चे अंकशास्त्र | Numerology of Birth Number 2,11,20,29 ~ hrudaysparshiblogs

मुलांक २ ची महत्त्वपुर्ण माहिती | Important Details of Birth No 2:

चंद्र ग्रह | MOON

मुलांक २ असलेल्या कोणत्याही महिन्याच्या २, ११, २०, २९ जन्म तारखांमध्ये जन्म झालेल्या सर्वच व्यक्ती चंद्र ग्रहाने प्रभावित असतात. चाल्डीयन न्युमरोलॉजी प्रमाणे २ ही संख्या चंद्र ग्रहाची आहे. संख्या २ व्यक्तीचे आयुष्य इतर कोणत्याही संख्येपेक्षा बर्‍याच वेळा बदलते कारण चंद्र अनेकदा आपली राशी बदलत असतो. या बदलामुळे त्यांना इतर कोणत्याही संख्येपेक्षा भावनिक चढ-उतार जाणवतात.

मुलांक २ असलेल्या कोणत्याही महिन्याच्या २, ११, २०, २९ जन्म तारखांमध्ये जन्म झालेल्या सर्वच व्यक्तींमध्ये थोडाफार फरक जाणवेल. त्यांच्या गुणधर्मात फरक दिसेल. जर आपण चंद्र ग्रहाचा इतिहास पाहिला तर चंद्र एक पुरुष होता आणि खूप देखणा होता. चंद्र त्याच्या चंचल प्रवृत्ती आणि रोमँटिक स्वभावासाठी परिचित होता.

ज्योतिष शास्त्रात चंद्र ग्रहावर अनेक गोष्टी तुम्ही वाचल्या असतील, ऐकल्या असतील. तो बृहस्पतिच्या (गुरु ग्रह) पत्नीसह पळून गेला तिच्याबरोबर राहिला. त्यांनी एका मुलाला जन्म दिला जो आता बुध ग्रह आहे. हेच कारण आहे की ज्योतिषात चंद्र आणि बुध हे एकमेकांचे कटू शत्रू आहेत.

एका राजाची मुलगी (रोहिणीशी) लग्न करण्यासाठी चंद्राने त्या राजाच्या २७ मुलींशी लग्न केले कारण चंद्राच्या लहरी प्रवृत्तीमुळे राजाने तशी अट घातली होती, जी चंद्राने मान्य केली. मुलांक २ चे लोक स्वभावाने रोमँटिक आणि कामुक असतात.

मुलांक २ असलेल्या व्यक्तींच्या गुणांमधील तीव्रता कमी-अधिक प्रमाणात दिसेल. कारण जन्म दिनांक २, ११, २०, २९ चा मुलांक जरी २ असला तरी यातला ११, २० आणि २९ ह्या दोन अंकी संख्येचे एक अंकी संख्येत विभाजन झाले आहे.

थोडक्यात ११ जन्म दिनांक असलेल्या व्यक्तीमध्ये १ (सुर्य) आणि १ (सुर्य) ग्रहाचे थोडेफार गुणधर्म दिसतील. २९ जन्म दिनांक असलेल्या व्यक्तीमध्ये २ (चंद्र) आणि ९ (मंगळ) ग्रहाचे थोडेफार गुणधर्म दिसतील आणि म्हणूनच २, ११, २०, २९ जन्म तारीख असणाऱ्या व्यक्तीच्या गुणांमधील तीव्रता वेगळी असते.

अशाच रितीने त्यांच्या नावाचा परिणामसुद्धा त्यांच्या वागण्या-बोलण्यात आणि आयुष्यात दिसून येतो. कारण काही जणांचा नावाचा अंक १ असेल, काहींचा २, काहींचा ३..... त्याच रितीने ४ ते ९ पर्यंत असू शकतो.

याचमुळे प्रत्येकाच्या जीवनात वेगवेगळे परिणाम दिसतात. कोणी मानसिकदृष्ट्या जास्त बळकट तर कोणी जास्त रोमँटिक आणि कामुक असतो. म्हणूनच यांच्या आयुष्यात जास्त चांगले परिणाम दिसावेत यासाठी चाल्डीयन न्युमरॉलॉजीप्रमाणे किंवा पायथागोरियन न्युमरॉलॉजीप्रमाणे अंकशास्त्रज्ञाच्या (Numerolgist च्या) मदतीने त्यांच्या नावात बदल केले जातात.

जन्म तारीख २, ११, २०, २९ चा मुलांक २ च्या असलेल्या व्यक्तींमध्ये ११ अंक हा अंकशास्त्रात भाग्यवान समजला जातो. हे लोक प्रसिद्धी झोतात येतात. पैसा-प्रतिष्ठा मिळते तशीच ती २, २०, २९ ला सुद्धा मिळते. पण जन्म दिनांक ११ यात पुढे आहेत. काही बाबतीत ११ आणि २९ वाले आपल्या चुकीच्या वागणुकीमुळे जवळच्या लोकांचा विश्वास गमावतात.

काही ११ जन्म दिनांकवाले वाम मार्गाने ही पैसा कमावतात तर काही आपला काळा पैसा वाढवण्याचा अथवा लपवण्याचा प्रयत्न करतात. काही ११ जन्म तारीख असणाऱ्या व्यक्तींची प्रेमप्रकरणेसुद्धा गाजतात. त्यांच्या या गैरवर्तणुकीमुळे त्यांच्या प्रतिमेला गालबोट लागते आणि त्यांच्या पासून माणसे दुरावतात. अर्थात यात भाग्यांक, नाव क्रमांक किंवा दोन्ही साजेसे नसेल तर असे होते.

जन्म तारीख २ असणाऱ्या व्यक्तींचे एक खास वैशिष्ट्य असे आहे की, यांच्या जवळच्या लोकांपासून अगदी बाहेरचे लोकसुद्धा यांचा सल्ला घेतात, त्यांच्या समस्येचे समाधान मिळवण्यासाठी जन्म दिनांक २ च्या कडून मार्गदर्शन घेतले जाते याला काही अपवाद असू शकतात.

आता २, ११, २०, २९ जन्म दिनांक असलेल्या व्यक्तींच्या किंवा चंद्राद्वारे शासित लोकांच्या आणखी काही वैशिष्ट्यांविषयी आपण बोलूया.

या लोकांमध्ये अत्यंत मूड स्विंग असतात, ज्याला आपण इंग्रजीत Extreme mood swings म्हणतो. यांचे मूड लवकर बदलत असतात. त्यांना एका गोष्टीवर किंवा कल्पनेवर जास्त काळ चिकटून राहणे कठीण जाते. तसेच त्यांच्यात भावनिक चढ-उतार देखील आहेत. कधीकधी त्यांना वाटेल की ते या ग्रहावरील भाग्यवान लोक आहेत, तर काही तासांत त्यांची मनोवृत्ती बदलू शकते आणि त्यांना कदाचित अत्यंत दुःख होत असल्याचे वाटेल.

हे लोक सर्जनशील आणि कल्पनाशील असतात. यांची सर्जनशीलता कल्पनाशक्तीतून येते. मुलांक २ चे लोक विचार आणि कल्पना करण्यात चांगले आहेत. अभिनय करणे, संगीत तयार करणे, डिझायनिंग इत्यादी कलेच्या कोणत्याही क्षेत्रात ते उत्कृष्ट काम करतात. ते कला आणि संगीत प्रेमी आहेत. म्हणूनच चित्रपट आणि मनोरंजन क्षेत्रात तुम्हाला बरेचसे कलाकार हे २, ११, २०, २९ जन्म दिनांक असलेले दिसतील.

हे लोक प्रणयरम्य आणि संवेदनशील असतात. मुळातच हे लोक रोमँटिक असतात आणि त्यांच्याकडे इश्कबाजी करणे, प्रेम करण्याचे ढोंग करणे, प्रणयाचा आभास निर्माण करणे अशा काही खास प्रवृत्ती असतात. ते मनाने खूप मृदू असतात आणि काही वेळा छोट्या छोट्या गोष्टी यांना खरोखर त्रास देऊ शकतात.

साधारणपणे मुलांक २ चे लोक बाहेरून शांत आणि कोमल दिसतात. परंतु त्यांच्या भाग्यांकानुसार आणि राशीनुसार ते बदलू शकते. तथापि, ते मितभाषी आहेत आणि त्यांच्या सभोवतालच्या शांत वातावरणात रहायला आवडते. तसेच पृथ्वीवरील सुंदर गोष्टींवर ते प्रेम करतात.

२, ११, २०, २९ जन्म दिनांक असलेल्या व्यक्ती अत्यंत भावनिक आहेत. त्यांना प्रेमाने आणि काळजीपूर्वक हाताळण्याची आवश्यकता आहे. याचे प्रमाण मुलांक २ च्या मुलींमध्ये अधिक आहे. खासकरून जन्म दिनांक २० असणारे जास्त भावनिक आणि मनाने खूपच हळव्या आहेत.

चंद्र हा मनाचा कारक आहे. त्यामुळे बर्‍याचदा तुम्ही पाहिलेले असते, छोट्या छोट्या मुद्द्यांवर ते रडतात कारण त्यांच्या भावनांवर त्यांचे नियंत्रण नसते. मुलांक २ लोकांची ही मुलभूत वैशिष्ट्ये आहेत. परंतु कृपया लक्षात घ्या की ही वैशिष्ट्ये त्यांच्या नावाच्या संख्येवर किंवा भाग्यांक संख्येनुसार सकारात्मक किंवा नकारात्मक असू शकतात. भावनिकदृष्ट्या कमकुवत वाटणाऱ्या या व्यक्ती क्षणार्धात मनाने खंबीर आणि कणखर बनतील.

मुलांक २ ची सकारात्मक बाजू:

मुलांक २ ची मानसिक बाजू पाहिली तर ते अतिशय अंतर्ज्ञानी मेंदू असल्याचे दिसून येतील. ते बाहेरून शांत दिसत असले तरी त्यांचा मेंदू नेहमी कार्यरत असतो. तसेच, यांना इतर लोकांना समजण्यास सक्षम आहेत, पहिल्याच भेटीत ते समोरच्या व्यक्तीला चांगले ओळखतात, समजून घेतात. माणसांना ओळखण्यात हे लोक पारंगत आहेत.

मुलांक २ चे लोक हुशार वक्ते बनतात. ते कमी बोलतात पण मुद्देसूद (मुद्द्याला धरून) बोलतात. याच गुणवत्तेमुळे त्यांचे खूप कौतुक होते. यांच्याकडे कलात्मक प्रवृत्ती असल्यामुळे क्रिएटिव्हिटीमधील सर्व संख्येपेक्षा त्यांची संख्या अधिक आहे म्हणून क्रिएटिव्ह क्षेत्रात जाण्यासाठी मुलांक २ ला जोरदार सल्ला देण्यात आला आहे. पुरुषांच्या बाबतीत हे विशेषतः खरे आहे; जगातील काही सर्वोत्कृष्ट रोमँटिक अभिनेते मुलांक २ चे आहेत.

चंद्र ग्रहाचा प्रभाव असणारे शांतता प्रेमी आहेत, ते मारामारी आणि संघर्ष टाळतात. तसेच अशांत असलेले वातावरण ते टाळण्याचा प्रयत्न करतात.

मुलांक २ ची नकारात्मक बाजू:

काही वेळा यांच्यात आत्मविश्वासाचा आणि स्वातंत्र्याचा अभाव दिसून येतो कारण त्यांचे मन बर्‍याचदा बदलत असते. या गुणवत्तेमुळे, त्यांच्यात आत्मविश्वासाचा अभाव असतो आणि जेव्हा जीवनात महत्त्वपूर्ण निर्णय घेण्याची वेळ येते तेव्हा ते नेहमीच इतरांवर अवलंबून असतात. ते नेहमी भावनिक आधार शोधत असतात. याला काही भाग्यांक आणि तुमचे नाव अपवाद आहेत.

मुलांक २ मध्ये नकारात्मक विचार करण्याची प्रवृत्ती असते आणि किंचित औदासिनतेने ते निराश होऊ लागतात. हा त्यांचा सर्वात मोठा शत्रू आहे, कारण नकारात्मक विचार केल्यामुळे ते त्यांच्याभोवती नकारात्मक उर्जा आकर्षित करतात आणि आयुष्यातल्या अपयशाला भेटण्यास सुरुवात करतात. या गुणवत्तेवर मात करण्यासाठी त्यांना एक मजबूत नाव क्रमांकाची अर्थात name numerology ची आवश्यकता आहे.

मुलांक २ चे लोक कधीकधी खूपच संवेदनशील होतात. मुख्यतः २ मुलांकची स्त्रीया, मुली खूप हळव्या स्वभावाच्या असतात. लहान गोष्टी काही वेळा त्यांच्या मनाला जबर दुखापत करतात, त्या धक्क्यातून सहजपणे सावरणे आणि त्यावर मात करणे त्यांना खूप अवघड जाते, काही जण या बाबतीत असक्षम आहेत. त्यांच्या या वृत्तीमुळे आजूबाजूच्या लोकांना नाहक मनस्ताप आणि त्रास होतो.

मुलांक २ चा भाग्यांक आणि नाव मजबूत नसेल तर बहुतेक लोकांना निर्णय घेणे फार अवघड वाटते. निर्णय घेतल्यानंतर आणि वचनबद्ध झाल्यानंतरही ते त्याबद्दल विचार करत राहतात आणि त्यांचे निर्णय बर्‍याच वेळा बदलतात.ते निकालांची प्रतीक्षा करू शकत नाहीत आणि लवकर अधीर होतात. या प्रक्रियेत ते अशा गोष्टी करतात जे व्यावहारिक व्यक्ती करत नाही आणि त्यांच्या योजना खराब करतात.

मुलांक २ च्या लोकांना पुढे जाण्यासाठी जीवनात ढकलण्याची आवश्यकता आहे. त्यांनी मजबूत मुलांक संख्या असलेल्या व्यक्तीशी लग्न केले पाहिजे जेणेकरून त्यांना त्यांच्याकडून आवश्यक भावनिक समर्थन मिळू शकेल. जर योग्य मार्गदर्शन केले तर मुलांक २ लोक सर्जनशीलता क्षेत्रात चमत्कार करू शकतात. चांगले करिअर करण्यासाठी त्यांच्याकडे एक चांगला नाव क्रमांक (बळकट नाव) असणे आवश्यक आहे.

मुलांक २ ने घ्यायची खबरदारी आणि सुचना:

आपण घेतलेल्या निर्णयावर सतत विचार करणे, निर्णय बदलणे आणि निर्विकार होण्यापासून स्वतःला टाळा आणि आपल्या निर्णयावर ठाम रहा.

भावनिक निर्णय घेताना मानसिकदृष्ट्या न खचता व्यावहारिक निर्णय घ्या.

मुड स्विंग टाळा आणि सकारात्मक विचार करण्याचा प्रयत्न करा. शक्य तितका मनाला आराम द्या. बऱ्याच जणांना शांत झोप लागत नाही. ते झोपलेले असले तरी त्यांचे मन अशांत असते, त्यांच्या अवचेतन मनात कसले ना कसले विचार चालूच असतात. योग साधना आणि ध्यान धारणा करून मनावर ताबा मिळवण्याचा प्रयत्न करा.

आपल्याबद्दल आत्मविश्वास वाढवण्याचा प्रयत्न करा कारण आपल्यात असे काही गुण असू शकतात जे इतरांना धैर्य करूनसुद्धा ते जमत नाही.

अत्यंत भावनिक आणि संवेदनशील राहण्याचे टाळा, वाईट गोष्टींबद्दल विचार न करण्याचा प्रयत्न करा आणि जीवनातल्या मोठ्या गोष्टींवर लक्ष केंद्रित करा.